छन्दोबद्धगज़लकाव्यस्तबक:

 

 नास्ति (वसन्ततिलका)

           -डॉ. हर्षदेवमाधवः (अहमदाबाद:)

देहस्तु रिक्तसदने, सदने हि नास्ति । 

रात्रिर्बहिस्तु प्रसृता, शयने हि नास्ति ।

वक्त्रं विलोक्य मुकुरे करवाणि किं भोः । 

रागस्य दिव्यसुषमा वदने हि नास्ति ॥

नो साहसं हि मनसो भवनाच्च गन्तुम् । 

श्रद्धा प्रयाणसमये चरणे हि नास्ति ||

भित्त्वा तमो प्रविशति परमः प्रकाशः । 

चन्द्रो द्युतिविरहिते गगने हि नास्ति ॥

छन्दोक्षराणि गणितुं विफलः श्रमस्स्यात् । 

यत्र ध्वनेर्मधुरता कवने हि नास्ति ||

गत्वापि किं नु करवाणि तदीयवीथीम् ? 

नाम्नो निजस्य स्मरणं वचने हि नास्ति ॥